-
1 దినవృత్తాంతములు 4:10 - "యబ్బేజు ఇశ్రాయేలీయుల దేవునిగూర్చి మొట్ట
పెట్టి - నీవు నన్ను నిశ్చయముగా ఆశీర్వదించి నా సరిహద్దును విశాలపరచి నీ చెయ్యి
నాకు తోడుగా ఉండ దయచేసి నాకు కీడురాకుండ దానిలోనుండి
ప్రార్థింపగా దేవుడు అతడు మనవిచేసిన దానిని అతనికి దయచేసెను.”
నన్ను తప్పించుము అని
జనవరి 1
ఒక నూతన సంవత్సరం. ఒక తాజా ప్రారంభం. ఒక నూతన ఆరంభానికి జనవరి
పర్యాయపదం. మనం గతం వైపుచూసి, దానినుండి నేర్చుకోగలం కూడాను గాని, దానిలో
మనం జీవించకూడదు! అంతేకాకుండా, ముందున్న నూతన సంవత్సరాన్ని చేరుటకు దానిని
వెనుక వదలి పెట్టాలి. అలా మనం చేయగా, యబ్బేజు అనే వ్యక్తియొక్క ధైర్యంతో కూడిన
ప్రార్థనను క్రమంగా మనం చేయాలని నేను సూచించనా?
యబ్బేజు పాత నిబంధన కాలంలో జీవించాడు. ఆ పేరుకు అర్థం “వేదన.” యబ్బేజు
పుట్టుక ఎంతో కష్టతరంగా ఉన్నందువలన అతని తల్లి భయంకరమైన పేరుతో అతని
బంధించింది. అయినప్పటికీ, తన పేరు తన జీవితాన్ని నిర్ణయం చేసేదిగా ఉండుటకు
తిరస్కరించాడు యబ్బేజు. అతడు మహా దేవునికి గొప్ప ప్రార్థన చేశాడు. తగిన సమయంలో
గొప్ప ఫలితాలను అనుభవించాడు. అతడు దేనిని అడిగాడు?
మొదట, యబ్బేజు విస్తారమైన సమృద్ధికొరకు ప్రార్థించాడు. "నిశ్చయముగా”
ఆశీర్వదించమని అతడు దేవుని ప్రార్థించాడు. తన జీవితానికి దేవుడు కోరే అతి శ్రేష్టమైన
దానినే తాను కోరాడు. సరిహద్దులు విశాల పరచమని కూడా ప్రార్థించాడు. దేవుని మహిమార్థం
అనేకుల మీద ప్రభావం చూపేలా తన సరిహద్దులను విశాలపరచమని దేవున్ని అడిగడు. ఆ
తరువాత, ఆధ్యాత్మిక అభిషేకంకొరకు దేవుని అడిగాడు. అన్ని, వేళలా దేవుని హస్తం తనకు
బలాన్నివ్యాలని అడిగాడు. సహజాతీతమైన సంరక్షణనిమ్మని అడుగుతూ యబ్బేజు తన ప్రార్ధన
ముగించాడు. దేవుడు తనను కాపాడకపోతే, తాను కనిపెట్టుకొని వుండుట వ్యర్థం అని అతనికి
తెలుసు.
యబ్బేజు ప్రార్ధన నీకు స్వార్థంతో కూడినట్టు అనిపిస్తుందా? అలా అనిపించకూడదు.
నిశ్చయముగా, దేవుడు అతని మనవులను తీర్చాడు! నీవు ప్రార్థించినట్లయితే - యబ్బేజుకు
దేవుడేమి చేశాడో నీకు కూడా చేస్తాడు! ఈ విధంగా ప్రతిరోజు ప్రార్థిస్తే, ఈ సంవత్సరం
నీకోసం ఏమి దాచిపెట్టబడిందో పరలోకానికే తెలుసు. ప్రార్థనలో పరలోకపు తండ్రితో నీవు
సమయం గడుపుచుండగా, నీవు ఎన్నడు అనుభవించని ఆశీర్వాదకరమైన సంవత్సరముగా
ఈ సంవత్సరం ఉండును గాక! ఆకాశాలు తెరువబడుతాయి, నీవు అడిగిన వాటికంటెను
లేదా ఊహించేవాటికంటెను అధికంగా దేవుడు చేస్తాడు.
